وهلق يا شباب ويا صبايا رح نجي لموضوع مهم كتير وهو انو كيف بيقدر الواحد فينا يرجع يعبّي جيبته بشوية مصاري بعد ما شلحتنه الحكومة طول السنة الماضية تقريبا نص رواتبه وخلته عالحيلة والفتيلة متل ما بيقولوا..... موضوعنا اليوم هو الضرايب Steuern وبالأخص ضريبة الدخل Einkommensteuern والبيان الضريبي السنوي Jährliche Steuererklärung.
رح اقتطع أول الشي نص موجود بالانترنت عن موضوع ضريبة الدخل (طبعا بتصرف) وبعدها رح حاول احكي كيف منعمل البيان الضريبي السنوي:
(تسري ضريبة الدخل على الأشخاص المقيمين في ألمانيا، بغض النظر إن كانوا ألمانا أم أجانب. الإعفاءات التي ينص عليها قانون ضريبة الدخل هي مبلغ إعفاء أساسي يمنح لكل مواطن وكذلك مبلغ سماح للأطفال وكبار السن. كما تُعفي من الضريبة إعانات البطالة والمساعدات الاجتماعية وما في حكمها. وتهدف هذه الإعفاءات إلى مراعاة العدالة الاجتماعية.
ويقوم عادة الخاضعون للضريبة بتسليم الاقرار الضريبي السنوي إلى الفروع المنتشرة للسلطات الضريبية التي تتولى بدورها احتساب الدخل الاجمالي استنادا إلى المعلومات والبيانات الواردة حول مصادر الدخل ومقدارها. وبعد احتساب الدخل الخاضع للضريبة ضمن عمليات حسابية معقدة تقوم السلطات الضريبية بتقدير الضريبة وفقا للجداول الواردة في قانون ضريبة الدخل. وقد حدد القانون معدلات تصاعدية تزداد بزيادة الدخل. فهي تبلغ صفرا لشريحة الدخل حتى 8004 يورو للعازب و16008 يورو للزوجين. أما ما زاد عن هذا المبلغ فيخضع لمعدل ضريبة يبلغ 14 %. ومع ارتفاع الدخل المشمول بالضريبة يزداد أيضا المعدل ليصل إلى 42 %. وفي عام 2007 أُستحدث ما يسمي بضريبة الأثرياء والتي يبلغ معدلها 45% والتي تسري على الدخل الذي يتجاوز 250 ألف يورو للفرد (الله يجعلنا منهم إلهي).) من المثير للاهتمام انو نعرف انو ايرادات الحكومة الالمانية من الضرائب تتراوح سنويا بين 600 و700 مليار يورو (ما بعرف شقد بيطلعوا بالسوري لانو كلشي فوق ال 10 الالف يورو ما بقدر انا شخصيا عده ولا صرفه عالسوري)
ياللي حابب منكم يقرأ بشكل موسع عن النظام الضريبي بألمانيا (وهادا الشي ما بيهم الناس اللي بس عميشتغلوا بالمشفى وما عندهم مصدر دخل تاني) فبيقدر يدخل على هالموقع: http://www.almaniya.com/index.php/recht/ratgeber-recht
هلق منرجع لموضوعنا:
كل سنة تقريبا باخر الشهر الأول أو بأول الشهر التاني بيجينا من المشفى اللي عمنشتغل فيه جدول مليان أرقام عن الرواتب اللي قبضناها السنة الماضية والتأمينات اللي دفعناها وبس نستلم هي الورقة منقدر نعمل البيان الضريبي السنوي للسنة الفائتة. طبعا لازم يكون عندنا جميع الفواتير اللي بتثبت صحة البيانات اللي عمندخلها. عملية حساب الضرايب هي عملية معقدة جدا جدا.
في ناس بيقدروا يعملوا البيان الضريبي السنوي لحالهم من دون مساعدة وهدول معظمهم بيشتروا برنامج من البرامج الضريبية اللي موجودة بالسوق (Media Markt oder Saturn) وسعر البرنامج حوالي 30 يورو وبيكون فيه مساعد بيرشدك بكل خطوة بتعملها وبس تخلص ادخال البيانات بيبعت البرنامج نسخة انلاين لل Finanzamt وهي المالية بتدرس اوراقك وبتطلب الشغلات اللي بدها اثبات وانت هون بدورك بتبعتلها الاوراق المطلوبة بالبريد وبعدين بيرجعولك المصاري بعد حوالي 3 ل 4 اسابيع. وفي ناس تانين بروحوا عند Steuerberater اللي بياخد منك كل الاوراق وهو بيقدم الاوراق للمالية Finanzamt وبياخد منك حوالي 150 ل 250 يورو. بنصحكم بالسنة الاولى او التانية لشغلكم تروحوا لعند هادا الشخص مشان هو يحصللكم الضرايب بس بعدين بتقدروا تعملوا هادا الشي لحالكم وتوفرا على حالكم شوية مصاري.
هلق شو هيي الشغلات اللي لازم تكون قدامك وقت بدك تعمل البيان الضريبي او بالاحرى شو هيي التكاليف اللي بتقدر تستردها من الضرايب اللي انت سبق ودفعتها؟؟؟
1- مصاريف الذهاب الى العمل يوميا والعودة الى البيت
2- تكاليف جميع الكورسات الطبية وكل الدورات اللي لها علاقة بالعمل من قريب او من بعيد (هنا ايضا تكاليف السفر والاقامة واجور الدورة)
3- جميع الملابس والأدوات الطبية (مريولة او صدرية ، سماعات طبية، مطرقة فحص عصبي، أحذية من اجل العمل، الخ)
4- الكتب الطبية بانواعها الورقية او الاكترونية
5- الادوات المكتبية (دفاتر، قصاصات الملحوظات، اقلام، خرازة، بخاشة ورق، ......الخ)
6- التبرعات لمنظمات الاغاثة الدولية المعترف بها في المانيا وكفالة الاطفال في الدول الفقيرة (طبعا تستعيد قسم صغير من التبرعات)
7- الاجور السنوية لنقابة الاطباء والاشتراكات بالمجلات الطبية الورقية او الالكترونية او اجور التسجيل بالمنظمات او الجمعيات الطبية، واجور اجراء الفحوصات الطبية كفحص التعديل مثلا واجور اصدار او تمديد رخصة مزاولة المهنة .....الخ.
8- جميع الادوات الكهربائية اللي تستخدمها في العمل مثل اللابتوب ممكن تستعيد قسم من سعره وهادا المبلغ بيرجعولك ياه على عدة سنوات مو بسنة وحدة.
9- التأمينات (Krankenversicherung, Rentenversicherung, Berufsunfähigkeitsversicherung, Haftpflichtversicherung, Unfallversicherung, Pflegeversicherung)
10- في حال كان واحد منكم عميعيل اهله بسوريا فممكن يرجعله قسم من هي الاعالة ولازم يطبع كم ورقة من الانترنت ويعبيهم انو اهله بحاجة للاعانة المالية ولازم يتوقعوا الاوراق من سوريا ويتصدقوا من الخارجية والسفارة.
11- عند البحث عن عمل جديد:
• مصاريف السفر لاجراء مقابلة عند البحث عن عمل جديد (يتضمن حتى الطعام الذي تأكله هناك او اجور النوم في الاوتيل وهون بنصح بأن تدفع كل شي بال EC-Karte حتى تستطيع ان تثبت انك كنت شخصيا في هذا المكان في هذا اليوم وانو انت اللي دفعت هالشي وطبعا لازم تحتفظ بكل الفواتير)
• اجور نقل اثاث البيت (اجرة السيارة، اجرة النقالين، باختصار كل شي بيتعلق بالنقلة)
• اجور السفر للبحث عن بيت للسكن (كما ورد اعلاه)
• في حال صرت تدفع للسكن الجديد وكنت لسه مجبور تدفع للسكن القديم فبيرجعولك اجارات احد السكنين.
• الاجور اللي بتعطيها للدلال العقاري
• جزء من أجور ترميم البيت اللي رح تنتقل عليه.
والله يا جماعة موضوع الضرايب هو موضوع واسع جدا جدا ومعقد كمان واكيد في شغلات تانية الواحد بيقدر يرجعها كمان بس انا هادا كل شي حضرني حاليا. بتمنى من الشباب إغناء هادا الموضوع بخبراتهم الشخصية.. بتمنالكم التوفيق ببيان هي السنة وانشالله بتهبشوا هبشة منيحة هالسنة. تحياتي...
رح اقتطع أول الشي نص موجود بالانترنت عن موضوع ضريبة الدخل (طبعا بتصرف) وبعدها رح حاول احكي كيف منعمل البيان الضريبي السنوي:
(تسري ضريبة الدخل على الأشخاص المقيمين في ألمانيا، بغض النظر إن كانوا ألمانا أم أجانب. الإعفاءات التي ينص عليها قانون ضريبة الدخل هي مبلغ إعفاء أساسي يمنح لكل مواطن وكذلك مبلغ سماح للأطفال وكبار السن. كما تُعفي من الضريبة إعانات البطالة والمساعدات الاجتماعية وما في حكمها. وتهدف هذه الإعفاءات إلى مراعاة العدالة الاجتماعية.
ويقوم عادة الخاضعون للضريبة بتسليم الاقرار الضريبي السنوي إلى الفروع المنتشرة للسلطات الضريبية التي تتولى بدورها احتساب الدخل الاجمالي استنادا إلى المعلومات والبيانات الواردة حول مصادر الدخل ومقدارها. وبعد احتساب الدخل الخاضع للضريبة ضمن عمليات حسابية معقدة تقوم السلطات الضريبية بتقدير الضريبة وفقا للجداول الواردة في قانون ضريبة الدخل. وقد حدد القانون معدلات تصاعدية تزداد بزيادة الدخل. فهي تبلغ صفرا لشريحة الدخل حتى 8004 يورو للعازب و16008 يورو للزوجين. أما ما زاد عن هذا المبلغ فيخضع لمعدل ضريبة يبلغ 14 %. ومع ارتفاع الدخل المشمول بالضريبة يزداد أيضا المعدل ليصل إلى 42 %. وفي عام 2007 أُستحدث ما يسمي بضريبة الأثرياء والتي يبلغ معدلها 45% والتي تسري على الدخل الذي يتجاوز 250 ألف يورو للفرد (الله يجعلنا منهم إلهي).) من المثير للاهتمام انو نعرف انو ايرادات الحكومة الالمانية من الضرائب تتراوح سنويا بين 600 و700 مليار يورو (ما بعرف شقد بيطلعوا بالسوري لانو كلشي فوق ال 10 الالف يورو ما بقدر انا شخصيا عده ولا صرفه عالسوري)
ياللي حابب منكم يقرأ بشكل موسع عن النظام الضريبي بألمانيا (وهادا الشي ما بيهم الناس اللي بس عميشتغلوا بالمشفى وما عندهم مصدر دخل تاني) فبيقدر يدخل على هالموقع: http://www.almaniya.com/index.php/recht/ratgeber-recht
هلق منرجع لموضوعنا:
كل سنة تقريبا باخر الشهر الأول أو بأول الشهر التاني بيجينا من المشفى اللي عمنشتغل فيه جدول مليان أرقام عن الرواتب اللي قبضناها السنة الماضية والتأمينات اللي دفعناها وبس نستلم هي الورقة منقدر نعمل البيان الضريبي السنوي للسنة الفائتة. طبعا لازم يكون عندنا جميع الفواتير اللي بتثبت صحة البيانات اللي عمندخلها. عملية حساب الضرايب هي عملية معقدة جدا جدا.
في ناس بيقدروا يعملوا البيان الضريبي السنوي لحالهم من دون مساعدة وهدول معظمهم بيشتروا برنامج من البرامج الضريبية اللي موجودة بالسوق (Media Markt oder Saturn) وسعر البرنامج حوالي 30 يورو وبيكون فيه مساعد بيرشدك بكل خطوة بتعملها وبس تخلص ادخال البيانات بيبعت البرنامج نسخة انلاين لل Finanzamt وهي المالية بتدرس اوراقك وبتطلب الشغلات اللي بدها اثبات وانت هون بدورك بتبعتلها الاوراق المطلوبة بالبريد وبعدين بيرجعولك المصاري بعد حوالي 3 ل 4 اسابيع. وفي ناس تانين بروحوا عند Steuerberater اللي بياخد منك كل الاوراق وهو بيقدم الاوراق للمالية Finanzamt وبياخد منك حوالي 150 ل 250 يورو. بنصحكم بالسنة الاولى او التانية لشغلكم تروحوا لعند هادا الشخص مشان هو يحصللكم الضرايب بس بعدين بتقدروا تعملوا هادا الشي لحالكم وتوفرا على حالكم شوية مصاري.
هلق شو هيي الشغلات اللي لازم تكون قدامك وقت بدك تعمل البيان الضريبي او بالاحرى شو هيي التكاليف اللي بتقدر تستردها من الضرايب اللي انت سبق ودفعتها؟؟؟
1- مصاريف الذهاب الى العمل يوميا والعودة الى البيت
2- تكاليف جميع الكورسات الطبية وكل الدورات اللي لها علاقة بالعمل من قريب او من بعيد (هنا ايضا تكاليف السفر والاقامة واجور الدورة)
3- جميع الملابس والأدوات الطبية (مريولة او صدرية ، سماعات طبية، مطرقة فحص عصبي، أحذية من اجل العمل، الخ)
4- الكتب الطبية بانواعها الورقية او الاكترونية
5- الادوات المكتبية (دفاتر، قصاصات الملحوظات، اقلام، خرازة، بخاشة ورق، ......الخ)
6- التبرعات لمنظمات الاغاثة الدولية المعترف بها في المانيا وكفالة الاطفال في الدول الفقيرة (طبعا تستعيد قسم صغير من التبرعات)
7- الاجور السنوية لنقابة الاطباء والاشتراكات بالمجلات الطبية الورقية او الالكترونية او اجور التسجيل بالمنظمات او الجمعيات الطبية، واجور اجراء الفحوصات الطبية كفحص التعديل مثلا واجور اصدار او تمديد رخصة مزاولة المهنة .....الخ.
8- جميع الادوات الكهربائية اللي تستخدمها في العمل مثل اللابتوب ممكن تستعيد قسم من سعره وهادا المبلغ بيرجعولك ياه على عدة سنوات مو بسنة وحدة.
9- التأمينات (Krankenversicherung, Rentenversicherung, Berufsunfähigkeitsversicherung, Haftpflichtversicherung, Unfallversicherung, Pflegeversicherung)
10- في حال كان واحد منكم عميعيل اهله بسوريا فممكن يرجعله قسم من هي الاعالة ولازم يطبع كم ورقة من الانترنت ويعبيهم انو اهله بحاجة للاعانة المالية ولازم يتوقعوا الاوراق من سوريا ويتصدقوا من الخارجية والسفارة.
11- عند البحث عن عمل جديد:
• مصاريف السفر لاجراء مقابلة عند البحث عن عمل جديد (يتضمن حتى الطعام الذي تأكله هناك او اجور النوم في الاوتيل وهون بنصح بأن تدفع كل شي بال EC-Karte حتى تستطيع ان تثبت انك كنت شخصيا في هذا المكان في هذا اليوم وانو انت اللي دفعت هالشي وطبعا لازم تحتفظ بكل الفواتير)
• اجور نقل اثاث البيت (اجرة السيارة، اجرة النقالين، باختصار كل شي بيتعلق بالنقلة)
• اجور السفر للبحث عن بيت للسكن (كما ورد اعلاه)
• في حال صرت تدفع للسكن الجديد وكنت لسه مجبور تدفع للسكن القديم فبيرجعولك اجارات احد السكنين.
• الاجور اللي بتعطيها للدلال العقاري
• جزء من أجور ترميم البيت اللي رح تنتقل عليه.
والله يا جماعة موضوع الضرايب هو موضوع واسع جدا جدا ومعقد كمان واكيد في شغلات تانية الواحد بيقدر يرجعها كمان بس انا هادا كل شي حضرني حاليا. بتمنى من الشباب إغناء هادا الموضوع بخبراتهم الشخصية.. بتمنالكم التوفيق ببيان هي السنة وانشالله بتهبشوا هبشة منيحة هالسنة. تحياتي...
السلام عليكم
ردحذفأخي بدي أسألك كيف ممكن الشخص يعمل Steuererklärung بنفسه